criando um dos derradeiros galegos que falam a sua língua
Subscribe

Archive for the ‘recursos’

Planta Fantasia: O Lápis de Rosalia

Marzo 19, 2012 By: cernekernel Category: recursos Comentarios desactivados en Planta Fantasia: O Lápis de Rosalia

Hoje, o  Planeta Fantasia vai conseguir energia graças ao conto de Antón Cortizas titulado O lápis de Rosalia

Rosalia é umha nena de 6 anos. Está mui contenta porque o seu pai mercou-lhe um lápis novo e mui especial. É um lápis tam especial que nom escreve o que dita a professora porque nom gosta de pôr parvadas. As companheiras de Rosalia estam encantadas e  oferecem-lhe os seus tesouros à nena para poder escrever e desenhar com esse maravilhoso lápis.

O episódio está disponível aqui

Pota e Verza: a empada, o segredo está na massa!

Febreiro 29, 2012 By: cernekernel Category: recursos Comentarios desactivados en Pota e Verza: a empada, o segredo está na massa!

Os cozinheiros-científicos ou os científicos-cozinheiros  mais tolos da televissom mundial traem hoje como protagonista do seu estudo a um dos mais conhecidos, carismáticos  e versáteis dos pratos da cozinha galaica. Efetivamente, nenos/as… a empada!

O arquivo está disponível aqui

 

Caracois

Febreiro 16, 2012 By: cernekernel Category: recursos Comentarios desactivados en Caracois

A série CARACOIS está dirigida a un público de entre 2 e 4 anos de idade. Os capítulos, de seis minutos de duraçom, estam baseados nas historias dos álbuns de Armando Quintero e André Letria. Trata-se de cinco livros de NanOQOs, coleçom de OQO editora em papelom duro e pequeno formato destinada aos pré-leitores. Como há pouco material para nenos/as destas idades em galego,  é de agradecer, o mesmo que a Tropa de trapo, dos que algum dia falaremos .
O episódio para baixar titula-se Bos dias xoaniña e podede-lo descarregar premendo aqui

O FBI seqüestra Teletubbies em galego.

Xaneiro 27, 2012 By: cernekernel Category: recursos 5 Comments →

Primeiro foi Feijoo, que os mandou falar em inglês na vez de em galego e agora, os nossos queridos amigos os Teletubbies sofreram  a perseguiçom do FBI que os retirou da rede. E ali estavam, meus pobres, retidos nos servidores roubados a Megaupload pola polícia federal dos USA. E isso nom podia ser, como vai entender-se que haja, um neno ou umha nena,  que lhe apeteça  ver a estes simpáticos seres no seu idioma e que nom poida fazê-lo. É por isso que atopamos um novo episódio dos nossos amiguinhos galego-falantes, está em galego da tvg.

Neste capítulo, os nenos que saem neste programa vam visitar um guitarrista e asombraram-se coa guitarra.

Tendes o episódio aqui

Silvestre, o gato que persegue a Piolin, em galego

Xaneiro 24, 2012 By: cernekernel Category: recursos Comentarios desactivados en Silvestre, o gato que persegue a Piolin, em galego

Silvestre e Piolin, o gato e o passarinho cabeçom som conhecidos no Brasil como Frajola e Piu-Piu e em Portugal como Silvestre e Tweety. Som umha  série de desenhos animados americana da Looney Tunes. Este episódio está em galego da TVG.

O arquivo está aqui

Angela Anaconda em galego

Xaneiro 23, 2012 By: cernekernel Category: recursos Comentarios desactivados en Angela Anaconda em galego

Angela Anaconda é umha série peculiar que paga a pena ver, mesmo para os adultos. Tem algo especial porque o nosso cativo com 4 anos está enganchado a ela. Nom sei bem como começar porque som diferentes.  De primeiras,  som desenhos animados mas os rostos dos personagens som feitos com recortes de fotos.
A história gira em torno de umha rapazinha de oito anos chamada Angela, que vive junto a sua família e de seus amigos da escola, contando a cada episódios uma história dentro de seu ponto de vista. Angela gosta de imaginar situaçons onde diversas calamidades acontecem coa Nanette Manoir, umha companheira de classe da alta sociedade, snobe e afrancesada que sempre pom em apuros a Angela. Os melhores  amigos de Angela som: Gina Lash, umha nena adita à comida e com conhecimentos enciclopédicos; Johnny Abatti, um rapaz de origem italiana que lança esgarros cuxa avoa tem umha pizzaria; Gordy Rhinehart, um rapaz enfermiço e dependente do inalador para a asma.  Umha peculiaridade de Angela é que ela tende a usar construçons  sintáticas e complexas demais do tipo “obrigado por aquela informação inútil que é totalmente inútil”, por exemplo. Ainda há  outros pensonagens peculiares: um pai inventor, umha mestra excêntrica, umha companheira de aulas católica e quase santa e muitos mais que paga a pena descobrir.
A série emite-se com duas histórias em cada episódio, com umha duraçom de 10 minutos cada umha.
Este episódio está em galego da TVG e trai as histórias: Contos de espias e Comeu-mos o can e podede-lo baixar aqui.

Página oficial de Anagela Anaconda com jogos e protetores de ecrã  

Pota e Verza, cozinhar melhor nom se pode!

Xaneiro 20, 2012 By: cernekernel Category: recursos Comentarios desactivados en Pota e Verza, cozinhar melhor nom se pode!

pota e verzaPota e Verza  som dous científicos metidos a cozinheiros, ou quiçá dous cozinheiros metidos a científicos. O caso é que no seu laboratório-cozinha ou na sua cozinha-laboratório pode passar qualquer cousa. Normal, tendo em conta que tenhem um boneco dum lobo e um robô batedora. O duo Mofa e Befa, que interpretam a estes dous chifrados, ensinam aos nenos  dumha maneira peculiar cousas interessantes sobre os alimentos. É um programa que emite a TVG dentro do Xabarin Club

Pota e Verza: Alimentación equilibrada, baixar aqui

Postal para se afiliar ao Xabarin Club

Maio 03, 2011 By: cernekernel Category: recursos 4 Comments →

Logo de muito tempo tentando fazer sócio do Xabarin ao Breixo, por fim o conseguimos! É que nom é doado atopar as postais para fazer-se sócio. De feito, nom as atopamos fisicamente e mira que buscamos por sítios. Chegamos a suspeitar que nom estavam em circulaçom. Na web da CRTVG tampouco havia maneira de se inteirar de nada e no facebook está o Xabarin Club mas tampouco soluciona o tema. Há tempo escrevêramos ao endereço do correio que vem na web da galega, mas nom houvo resposta. Desta volta sim!!!
Mandaram-nos o bilhete-postal por email e podiamos imprimi-lo em qualquer tipo de papel e mandá-la por correio ordinário ou mesmo davam-nos à opçom de mandá-lo mesmo por email. Isto último foi o que fizemos, isso sim, editamo-lo co GIMP e puxemos nel os nossos dados.
Por se alguém a precisar aqui está a postal que tanto tardamos em conseguir. Fai clic na imagem e logo em salvar ou guardar como. O endereço ao que podedes mandar o correio é xabarin@crtvg.es

Cousiñas: o boneco de neve

Febreiro 03, 2011 By: cernekernel Category: recursos 2 Comments →

Neste novo capítulo de Cousiñas Raquel e Basílio fam um boneco de neve. Logo virá Tolín, com um novo obxecto que Basílio deve adivinhar.
Baixar este capítulo aqui

Palavra Cantada em concerto

Febreiro 01, 2011 By: cernekernel Category: recursos 4 Comments →

Dentro de tanta desgraça, os galegos e galegas temos a grande sorte de que o nosso idioma, perseguido, despreçado e ridiculizado no nosso próprio País viva além o Minho, mas também no outro lado do oceano, aló no Brasil.

E dentro desta sorte é impagável o poder escuitar, entender e desfrutar dumha das músicas mais maravilhosas para os ouvidos, nom já dos pequenos, mas sim também para os adultos que nos vem da outra banda do mar.

A música está cheia de arranjos, matizes e case sempre com um ritmo que obriga ao corpo a se mover. As letras, bem feitas, nom som ‘infantiloides’ ou como as doutros grupos que tomam aos rapazes/as por parvos. Creio que o mais acertado de Palavra Cantada é o fazer umha música que nenos/as e adultos podem desfrutar juntos.

Se nom estiver errado, Mamá Cabra tem umha versom dumha cantiga -nom das mais conhecidas- de Palavra Cantada. É a primeira cousa audio-visual à que lhe prestou atençom o Breixo na TV, com meses, nom podia para de mirar e surprender-se diante destes artistas do ritmo e a palavra.

Podedes baixar o concerto de Palavra Cantada, que está dividido en 7 partes nas seguintes ligaçons. Descompacta-se com Unrar. Para baixar os arquivos do Megaupload, para quem quiçá ainda nom conheça, pode usar o programa jdownloader, que elimina muitas das rotinas à hora de aceder a este tipo de sites para baixar arquivos.

Podedes baixar o concerto de Palavra Cantada nas seguintes ligaçons:

Parte 1  aqui

Parte 2  aqui

Parte 3  aqui

Parte 4  aqui

Parte 5  aqui

Parte 6  aqui

Parte 7  aqui